اسلام آباد۔24جنوری(اے پی پی) وزیر دفاع خواجہ آصف آکھیے کوئی ایں خوش فہمی اچ نہ رہے جو حالات بدلݨ تے ریلیف ملسی ،ریاست 25 سا?? بعد ملک ریاض تے ہتھ پاݙتے ،ملک اچ قائم بحریہ ٹائونز تے ملک ریاض دے اثاثیں دی قومی سطح تے تحقیقات کرݨ دی لوڑھ اے ، جیڑھا وی کوئی غیر قانونی کم کریسی ایندا تعاقب کیتا ویسی ۔ او پی ٹی وی ہیڈ کوارٹرز اچ پریس کانفرنس توں خطاب کریندے پئے ہن ۔ وزیر دفاع آکھیے ملک ریاض دی متحدہ عرب امارات (یو اے ای) توں پاکستان دی حوالگی دا عمل مکمل کرتے اتھاں مقدمے چلائے ویسن ، یو اے ای نال ملزمان دی حوالگی دا معاہدہ موجود اے۔انہاں آکھیے او ویلھا آڳئے جݙاں ملک ریاض تے کوئی ہتھ نہ پاسڳدا ہئی ، کوئی وی پاکستانی ملک توں ٻاہر بحریہ ٹائون دے منصوبے اچ پیسہ لیندے تاں اونکوں وی کاروائی دا سا??ݨا کرݨا پوسی ایندا پیسہ ٻُݙ ویسی ۔ خواجہ محمد آصف آکھیےغیب دا علم اللہ کنے ہے لیکن ملک ریاض کوں ہݨ کہیں فورم نال کہیں قسم دا ریلیف ملݨ دا امکان کائنی ، میڈیا جیں بندے دا ناں گھنݨ دی جرات نی کرسڳدا ہݨ احتساب دا سلسلہ اتھاں وی پڄ ڳئے ۔ وزیر دفاع آکھیے ملک ریاض ھک زمانے اچ آکھدے ہن جو میں پاکستان توں باہر ونڄ تے کاروبار کرݨ حرام سمجھداں ، ایں حوالے ن??ل انہاں دی ھک ویڈیو اے جیں کوں میں ٹوئٹر تے سٹ ݙیساں ، لیکن ہݨ او ماݨ نال آکھدن جو میں دبئی اچ آتے ٻہوں وݙا پروجیکٹ لانچ کیتے ، تساں اندازہ لا سڳدو جو لوک دولت سا??ڳے کیویں آپݨیاں ڳالھیں توں مکر ویندن ۔ انہاں ھک پروگرام اچ ݙو اینکر پرسنز دی تھیوݨ آل?? ڳالھ مہاڑ دا یاد وی ݙیوائے ؟ وزیر دفاع آکھیے 30 سا?? تئیں سلسلہ چ??دا رہیے ، ھک بندے پورے پاکستان اچ جیڑھیاں زمیناں ڳھدن ، سوسائٹیاں دیاں منظوریاں ڳھدن، ایں معاملے اچ کئی پردہ نشیناں دے ن??ں آندن ، یتیماں، بیواہ تے غریباں دیاں زمیناں تے مبینہ طور تے قبضے کیتے ڳئن ، ہݨ او ویلھا چلیا ڳئے جݙاں ملک ریاض تے کوئی ہتھ نہ پاسڳدا ہئی ، ملک ریاض بارے آکھیا ویندے جو پاکستان اچ کوئی ایجھا بندہ کائنی جیں تے انہاں نوازشات نہ کیتیاں ہوون ، میں سنہ 97 ا?? سوال چاتا ہئی جو بحریہ دا ناں ملک ریاض کیویں استعمال کریندے پئن ؟ وزیر دفاع آکھیے جݙاں میں اے مسئلہ چاتا ہئی تاں ملک ریاض میں تئیں رسائی ڳھدی تے آکھیا جو سارا کجھ قانونی طور تے تھیندا پئے ، میں وکیل کوں تساں کنے بھڄینداں ، میں روک ݙتا جو ایں دی لوڑھ کائنی ، میکوں سارے معاملے دا پتہ اے ، انہاں آکھیے پاکستان اچ میڈیا اداریں دے مالکان کوں وی خود احتسابی کرݨی چاہیدی اے، انہاں کوں بزنس ݙیوݨ آل?? کہیں کاروباری بندے دے خلاف بیانات کیوں نی چلائے ویندے ؟ ملک ریاض دی جیڑھی ٹویٹ آئی ہئی ایں تے آپݨی ڳالھ کیتی ہئی ، صحافی حضرات پیکا تے تاں احتجاج کریندن ایں ڳالھ تے وی احتجاج کرن جو میڈیا اداریں کوں بزنس ݙیوݨ آل?? بندے دے خلاف بیانات کیوں نی چلائے ویندے ، سیاستدان میڈیا دا سا??ٹ ٹارگٹ ہن ۔خواجہ آصف آکھیے میں کئی ٹی وی پروگرامز اچ جݙاں وی ملک ریاض دے خلاف ڳالھ کیتی ، اینکوں کٹ ݙتا ویندا ہئی ، جݙاں پروگرام ݙیکھدا ہم تاں میڈیاں آکھیاں ہوئیاں ڳالھیں ایں توں حذف کرݙتیاں ویندیاں ہن ،رپورٹرز میڈیا دے فرنٹ سولجرز ہن تے میں انہاں نال ہاں ، پاکستان اچ ایہو جیہا ݙوڑا رویہ جاری رہݨ نال جمہوریت دا سلسلہ اصل روح موجب نی آسڳدا ایں رویے کوں مک ونڄݨا چاہیدے۔
بحریہ ٹاؤن دی قومی سطح تے تحقیقات دی لوڑھ اے، جیڑھا وی کوئی غیر قانونی کم کریسی ایندا تعاقب کیتا ویسی ، وزیر دفاع خواجہ آصف
اسلام آباد۔24جنوری(اے پی پی) وزیر دفاع خواجہ آصف آکھیے کوئی ایں خوش فہمی اچ نہ رہے جو حالات بدلݨ تے ریلیف ملسی ،ریاست 25...
مضمون کا ماخذ : لاٹری کے لائیو نتائج
.jpg)
